Oleh: wa Ode Irawati U.
Wa Mbonatodo anano Omputo Sangia. Dhamani wawono anahi kalambe miina naembali posumpu hula bhe anahi moghane. Dhadhihanomo anahi robhine dofolateda teghahu. Pedamo dua anahi robhine mebharino, Wa Mbonatodo ini nelate dua teghahu (Suo) dodhaganie ghatahino. Sewakutu nobhalamo taghino wa Mbonatodo ini. Mbalimo bisarando mieno liwu we Kamali.
Bhirita anagha noratomo dua ne Idhano, Omputo Sangia. Nebhasimo sara Omputo Sangai ini mbali somemenano Wa Mbonatodo, bhahi rabu lahae dumadaino Wa Mbonatodo ini,
Pada kaawu dofefena Wa Mbonatodo ini, nolaporomo sara, “ Ingka nodai-daie La Beluba anabulou, randano ghaghe waopu”. Nefetingke laporo anagha, aitu nobisaramo ne sara Omputo ini, “ Netaamo dakumakape La Beluba kapa sokae tontoha, sokaetubhoha. Aitu kapeno dakumantaie ne fato kampuna soniwora mie bhari. Pada kaawu anagha domufakamo sara, tantuno dakumakape La Beluba ini.
Lapasi dofenae sara, nefua kamponano nokalamo nowiseki Idhano Wa Mbonatodo ini, “Nosampugho hae ne Kamali ini o sara Idha?”
Nobhalomo Idhano,“Ingka La Beluba gara dumai-daiko. Aitu netaamo dakumakape La Beluba, kapa sokae tontoha, sokaetobhoha. Aitu kapeno dakumantale ne fato kampuna soniwora mie bhari”.
Bhe noghae nobhisaramo wa Mbonatodo ini,”Panaembali dakumakape La beluba Idha, wasimbali dakumakape deki idi, rampano namangka nehamai La Beluba ane pae rabuane idi kangkaha”. Aitu nofenamo Idhano,”Nehamai kangkahano?”
“Neghiloi Idha, aekai-kaiane bheta maka abulu nembali kangkahano”. Bhalono Wa Mbonatodo ini. Aitu nofitingke kaawu anagha Idhano, suli nobhasida sara. Norato kaawu sara nobhisaramoOmputo Sangai ini,”Paemo nembali dakumakape La Beluba ini. Damosulidamo nelitau Wa Mbonatodo bhe La Beluba ini. Datumataodamo. Datumataodamo sara, datumataodamo kaomu”.
Miinamo dakumakape La Beluba bhe Wa Mbonatodo ini, dofogadamo. Anando dooalu. Popa moghane, popa robhine. Dobage-bageemo sara anando ini, dobage-bageandae kaomu. Dorudua we Kadea-dea mbali dawuno kaomu Patandibone bhe Patandigala. Dorudua we Laipi mbali dawuno Kino Wou bhe Kino Madampi. Dorudua we Wakumoro mbali dawuno Komasigino bhe Ki Wakumoro. Dorudua doowaemo te Katumpu, so kafetumpuhano sara, kafetumpuhano kaomu. Daesalo daoma, damoroghu rampano padamo derunsa ne Katumpu sodhumampangida.
Dhadihanomo dokonae liwu Katumpu, rampano mbali Katumpuhano sara, katumpuhano kaomu.
Wa Mbonatodo anano Omputo Sangia. Dhamani wawono anahi kalambe miina naembali posumpu hula bhe anahi moghane. Dhadhihanomo anahi robhine dofolateda teghahu. Pedamo dua anahi robhine mebharino, Wa Mbonatodo ini nelate dua teghahu (Suo) dodhaganie ghatahino. Sewakutu nobhalamo taghino wa Mbonatodo ini. Mbalimo bisarando mieno liwu we Kamali.
Bhirita anagha noratomo dua ne Idhano, Omputo Sangia. Nebhasimo sara Omputo Sangai ini mbali somemenano Wa Mbonatodo, bhahi rabu lahae dumadaino Wa Mbonatodo ini,
Pada kaawu dofefena Wa Mbonatodo ini, nolaporomo sara, “ Ingka nodai-daie La Beluba anabulou, randano ghaghe waopu”. Nefetingke laporo anagha, aitu nobisaramo ne sara Omputo ini, “ Netaamo dakumakape La Beluba kapa sokae tontoha, sokaetubhoha. Aitu kapeno dakumantaie ne fato kampuna soniwora mie bhari. Pada kaawu anagha domufakamo sara, tantuno dakumakape La Beluba ini.
Lapasi dofenae sara, nefua kamponano nokalamo nowiseki Idhano Wa Mbonatodo ini, “Nosampugho hae ne Kamali ini o sara Idha?”
Nobhalomo Idhano,“Ingka La Beluba gara dumai-daiko. Aitu netaamo dakumakape La Beluba, kapa sokae tontoha, sokaetobhoha. Aitu kapeno dakumantale ne fato kampuna soniwora mie bhari”.
Bhe noghae nobhisaramo wa Mbonatodo ini,”Panaembali dakumakape La beluba Idha, wasimbali dakumakape deki idi, rampano namangka nehamai La Beluba ane pae rabuane idi kangkaha”. Aitu nofenamo Idhano,”Nehamai kangkahano?”
“Neghiloi Idha, aekai-kaiane bheta maka abulu nembali kangkahano”. Bhalono Wa Mbonatodo ini. Aitu nofitingke kaawu anagha Idhano, suli nobhasida sara. Norato kaawu sara nobhisaramoOmputo Sangai ini,”Paemo nembali dakumakape La Beluba ini. Damosulidamo nelitau Wa Mbonatodo bhe La Beluba ini. Datumataodamo. Datumataodamo sara, datumataodamo kaomu”.
Miinamo dakumakape La Beluba bhe Wa Mbonatodo ini, dofogadamo. Anando dooalu. Popa moghane, popa robhine. Dobage-bageemo sara anando ini, dobage-bageandae kaomu. Dorudua we Kadea-dea mbali dawuno kaomu Patandibone bhe Patandigala. Dorudua we Laipi mbali dawuno Kino Wou bhe Kino Madampi. Dorudua we Wakumoro mbali dawuno Komasigino bhe Ki Wakumoro. Dorudua doowaemo te Katumpu, so kafetumpuhano sara, kafetumpuhano kaomu. Daesalo daoma, damoroghu rampano padamo derunsa ne Katumpu sodhumampangida.
Dhadihanomo dokonae liwu Katumpu, rampano mbali Katumpuhano sara, katumpuhano kaomu.
Tidak ada komentar:
Posting Komentar